ಭಾವನೆ

ಹೇಳಲಾರದ ಭಾವ ಎದೆಯೊಳಗೆ

ಪ್ರತಿ ಕ್ಷಣವೂ ನಿನಗಾಗಿ ಹುಡುಕಾಟ
ನನ್ನ ಪ್ರತಿ ಉಸಿರು ಕಾಯುತಿದೆ ನಿನ್ನ ಬರುವಿಕೆಗಾಗಿ
ಒಮ್ಮೆ ಬಂದು ಬಿಡು
ಬೇರೇನೂ ಬೇಕಿಲ್ಲ ಈ ಜೀವಕೆ
ಒಮ್ಮೆ ನಿನ್ನ ತೋಳ ತೆಕ್ಕೆಯಲ್ಲಿ ಬಂಧಿಯಾಗಬೇಕು
ಕಡಲ ತಡಿಯಲ್ಲಿ ನಿನ್ನ ಮಡಿಲಲ್ಲಿ ಮಲಗಿ
ತೆರೆಯ ಏಣಿಸಬೇಕು
ನಿನ್ನ ಹೃದಯ ಬಡಿತದಲ್ಲಿ ನನ್ನ ಹೆಸರ ಕೇಳಬೇಕು
ಒಮ್ಮೆ ಬಂದು ಬಿಡು
ನನ್ನ ಬಳಿಗೆ
ಪ್ರೀತಿಯಿಂದ ಅಪ್ಪಿ ತಲೆಯ ನೇವರಿಸಿ
ನನ್ನ ಹಣೆಯನೊಮ್ಮೆ ಚುಂಬಿಸಿ ಬಿಡು
ಒಮ್ಮೆ ಬಂದು ಬಿಡು
 ನನ್ನ ಬಳಿಗೆ