ರಂಗೋಲಿ

ಬಾನಂಗಳದಲಿ  ಚುಕ್ಕಿಯಿಡದೆ
ಬರೆದ ರಂಗೋಲಿ
ಒಂದೊಂದು ಒಂದಕ್ಕಿಂತ  ಭಿನ್ನ

ಬಿಳಿ ಬಿಳಿಮಿಶ್ರಿತ ನೀಲಿ
ಎಷ್ಟೊಂದು ಸಹಜ ಬಣ್ಣ
ನಿನ್ನಲ್ಲಿ ಸೂರೆಯಾಯಿತು ಎನ್ನ ಮನ

ನಿಂತಲ್ಲಿ  ನಿಲ್ಲದ ನಿನ್ನ ಪಯಣ
ಎನ್ನ ಜೀವನವ ಅಣಕಿಸುತ್ತಿದೆ
ಯಾವುದೋ ಸಂದೇಶವ ಸಾರುತ್ತಿದೆ

 
ನೀ ದಣಿದು ತಣಿದಾಗ
ಬರುವ ಬೆವರ ಹನಿಗೆ
ತಂಪಾಯಿತು ಇಡೀ ಧರಣಿ


ಮರುಕ್ಷಣವೇ , ಬಾನಂಗಳ
ಶುಭ್ರ ನೀಲಿ ,ಇಡೀ ಖಾಲಿ ಖಾಲಿ
ಅಂಗಳದಂಚಲ್ಲಿ ಮತ್ತೆ ಕಾಣುತ್ತಿದೆ ರಂಗೋಲಿ

ಜೀವನವೆಂದರೆ ಹೀಗೆ ,
  ಕಷ್ಟ ಬರುವುದು  ತೇಲಿ ತೇಲಿ
ಬೆನ್ನಲ್ಲೇ , ಸುಖ ಬರುವುದು  ಮುಗುಳ್ನಗೆಯ ಬೀರಿ